رسائی کے لنکس

براہِ راست پاکستان میں کرونا ٹیسٹ مثبت آنے کی شرح دو فی صد، 40 ہزار افراد زیرِ علاج

سرکاری اعداد و شمار کے مطابق ملک میں گزشتہ 24 گھنٹوں میں ہونے والے 28 اموات کے بعد ہلاکتوں کی مجموعی تعداد 28 ہزار 201 ہو گئی ہے۔


12:44 14.10.2021

پاکستان میں وبا سے مزید 28 افراد ہلاک

پاکستان میں کرونا وائرس سے مزید 28 افراد ہلاک ہوئے ہیں۔

سرکاری اعداد و شمار کے مطابق ملک میں گزشتہ 24 گھنٹوں میں ہونے والے 28 اموات کے بعد ہلاکتوں کی مجموعی تعداد 28 ہزار 201 ہو گئی ہے۔

واضح رہے کہ وبا سے سب سے زیادہ 12 ہزار 808 اموات پنجاب میں ہوئی ہیں۔ اس کے بعد سندھ میں سات ہزار 514، خیبر پختونخوا میں پانچ ہزار 666، بلوچستان میں 352 اور گلگت میں 186 افراد وبا سے ہلاک ہو چکے ہیں۔

پاکستان کے زیرِ انتظام کشمیر میں 740 جب کہ وفاقی دارالحکومت اسلام آباد میں 935 افراد کے ہلاک ہونے کی تصدیق ہوئی ہے۔

12:39 14.10.2021

پاکستان میں ٹیسٹ مثبت آنے کی شرح دو فی صد

پاکستان میں وبا سے مزید ایک ہزار افراد متاثر ہوئے ہیں۔

سرکاری اعداد و شمار کے مطابق ملک بھر میں وبا سے متاثرہ افراد کی تشخیص کے لیے 47 ہزار 934 ٹیسٹ کیے گئے جن کے مثبت آنے کی شرح 2.11 فی صد رہی۔ یوں وبا سے مزید 1016 افراد کے متاثر ہونے کی تصدیق ہوئی۔

پاکستان میں وبا سے متاثر 40 ہزار افراد زیرِ علاج ہیں جن میں سے 2195 افراد انتہائی نگہداشت میں ہیں۔

واضح رہے کہ پاکستان میں اب تک دو کروڑ 45 ہزار ٹیسٹ کیے جا چکے ہیں۔

12:11 14.10.2021

امریکہ کا ویکسین کا ثبوت پیش کرنے والے مسافروں کے لیے زمینی سرحدیں کھولنے کا فیصلہ

امریکہ آئندہ ماہ سے غیر ضروری سفر کے لیے زمینی سرحدیں کھولنے جا رہا ہے جس کے بعد کرونا کی عالمی وبا کے باعث 19 ماہ سے عائد پابندی ختم ہو جائے گی۔ تاہم امریکہ آنے کے لیے بین الاقوامی مسافروں کے لیے لازمی ہو گا کہ انہوں نے ویکسین لگوا رکھی ہے۔

خبر رساں ادارے 'ایسوسی ایٹڈ پریس' کے مطابق امریکہ، کینیڈا اور میکسیکو کے درمیان گاڑیوں، کشتیوں یا ٹرین کے ذریعے زیادہ تر آمد و رفت عالمی وبا کے شروع کے دنوں سے ہی بند کر دی گئی تھی۔

نئے قواعد جن کا باضابطہ اعلان بدھ کو کیا جا رہا ہے، اس کے تحت ویکسین کا کورس مکمل کرنے والے غیر ملکیوں کو نومبر سے امریکہ میں داخلے کی اجازت ہو گی چاہے ان کے آنے کی وجہ کچھ بھی ہو۔ اسی طرح کی نرمی فضائی سفر کے ذریعے امریکہ آنے والوں کو بھی دی جا رہی ہیں۔

علاوہ ازیں وسط جنوری کے بعد ناگریز وجوہات پر امریکہ آنے والوں جیسا کہ ٹرک ڈرائیورز کے لیے بھی لازمی ہو گا کہ ان کی مکمل ویکسی نیشن ہوئی ہو۔

انتظامیہ کے ایک سینئر عہدیدار نے منگل کو دیر گئے نئی پالیسیوں کا جائزہ لیا اور اپنا نام ظاہر نہ کرنے کی شرط پر باضابطہ اعلان سے قبل 'اے پی' کو اس بارے میں آگاہ کیا۔

کینیڈا اور میکسیکو کئی ماہ سے امریکہ پر زور دے رہے ہیں کہ وہ سفری پابندیوں میں نرمی کرے جس کے سبب خاندان تقسیم ہوگئے ہیں اور عالمی وبا کے بعد سیاحتی دورے بھی محدود ہو گئے ہیں۔

مزید جانیے

12:09 14.10.2021

دنیا کی 70 فی صد آبادی کو ویکسین لگانے کی ضرورت ہے: عالمی ادارہٴ صحت

عالمی ادارہٴ صحت کے ماہرین نے کہا ہے کہ 2022 کے وسط تک دنیا کی 70 فی صد آبادی کو کرونا ویکسین کی مکمل خوراکیں لگ جانی چاہئیں تاکہ یہ بات یقینی بنائی جا سکے کہ وبا مزید خطرناک شکل نہ اختیار کر لے۔

حکمت عملی سے متعلق ماہرین کے 15 ارکان پر مشتمل مشاورتی گروپ (ایس اے جی اِی) نے، جس کا کام عالمی ادارہٴ صحت کی ویکسین کی پالیسی اور حکمتِ عملی پر سفارشات طے کرنا ہے، اپنا چار روزہ اجلاس مکمل کر لیا ہے۔

ماہرین نے کہا ہے کہ اگر امیر ملک ویکسین کی خوراکوں کی ذخیرہ اندوزی سے اجتناب کریں اور غریب ملکوں کے ساتھ مساوات برتی جائے، یہ پہلو اس وقت نظر انداز ہو رہا ہے، تو آئندہ سال کے وسط تک اتنی ویکسین دستیاب ہوں گی کہ ہر ایک کو ویکسین لگائی جا سکے۔

عالمی ادارہٴ صحت کی 'امیونائزیشن اینڈ بائیولوجیکل ویکسینز' کی سربراہ کیتھرین او برائن نے کہا ہے کہ ان علاقوں پر ویکسین کی درکارخوراکیں فراہم کی جائیں جو ویکسین لگانے کی مہم میں بُری طرح سے پیچھے رہ گئے ہیں۔

او برائن نے کہا کہ جب تک ایسا نہیں کیا جائے گا وبا کا پھیلاؤ جاری رہے گا اور کرونا کی نئی اقسام سامنے آتی رہیں گی۔

مزید جانیے

مزید لوڈ کریں

فیس بک فورم

متعلقہ

XS
SM
MD
LG